Gaur, irailak 8, Ondiz auzoko jaien egitarauaren barnean, Bizkaiko Aurresku Txapelketaren 59. edizioa eta Ondizko Emakumezkoen Aurresku Txapelketaren 12. edizioa ospatuko dira, arratsaldeko 19:00etatik aurrera.
Lehiaketak bi modalitate izango ditu, emakumezkoen aurreskua eta gizonezkoena.
Horrezaz gain, modalitate bakoitzean bi maila ezarri dira: 16 urte baino gutxiagoko aurresku-dantzariena eta 16 urte baino gehiagoko aurresku-dantzariena.
Parte hartzeko nahi dutenek aldez aurretik posta bidez eman ahal izan badute ere, lehiaketa egunean bertan ere eman ahal izango da izena, Ondizen, 17:00etatik 18:00etara.
Sariei dagokienez hiruna sari banatuko dira modalitate bakoitzeko maila bietan: hiru nagusien mailan eta beste horrenbeste gazteen mailan. Nagusien mailan 450 €, garaikurra eta zapia jasoko ditu lehenak, 300 € eta garaikurra bigarrenak eta 150 € eta garaikurra hirugarrenak. Gazteen mailan 200 € eta garaikurra eramango ditu lehenak, 150 € eta garaikurra bigarrenak eta 100 € eta garaikurra hirugarrenak.
Horretaz gain modalitate bakoitzean saririk jaso ez duen Leioako aurresku-dantzari onenarentzat Leioako Udala sari berezia jasoko du. Horretaz gain, aurreskulari guztiek 50€ jasoko dute, dieta bezala.