Zer berri? :: “VHS”, Oier Guillan-en nobela

“Zer gelditzen da zure ametsak bete gabe geratu ostean?”, galdetu du Ilehoriak. “Pertsona are interesgarriago bat”, erantzun dio detektibeak, jostalari.

Victor aktorea Madrilen hil zen auto istripuz, pailazo sudurra jantzita, eta haren hiletara ez zen ia inor joan. Kasik 20 urte geroago, Ilehoriak detektibe emozional bat kontratatu du heriotza hura ikertzeko. Izan ere, zergatik hil zen istripuz Victor? Nork hil zuen inork hil ez zuena? Zer lotura du haren heriotzak elkar ezagutu zutenean grabatutako VHS zintarekin? Ilehoriak esku bat emango bailuke zinta hura berreskuratzearren. Ez du argi zeri buruz hitz egin zuten, baina gogoan du Merlinerekin Andaluziara egindako bidaia iniziatikoa, nola bisitatu zuten Lorcaren herria, nola ezagutu zituzten La Marabunta antzerki konpainiako kideak, nola izan zen hura guztia pizgarri bere ibilbide artistikoarentzat. Ilehoriak gorputz hartara itzuli nahiko luke, orduko sentsazioak berreskuratu, oroitu, baina ezin du. Agian memoria beti delako ariketa kolektiboa. Agian orduko lagunak behar dituelako gertatu zena gogoratzeko. Agian lagun baten heriotza konpondu ezineko matxura delako denboraren makinan.

Oier Guiilan (Donostia, 1975) idazlea eta antzerki munduan ibilia da. Idazle gisa 2020an argitaratu duen VHS nobelaz gain 2009an argitaratutako Eskuen sustratiak  eta 2013an ezagutzera emandako Elkartasun basatia poema liburuak ditu idatziak, biak Susa Literatura argitaletxearekin argitaratuak.


Laburrean

Izenburua  VHS

Egilea  Oier Guillan

Azala  Idoia Beratarbide Arrieta

Argitaletxea  Susa Literatura

Salneurria  19,95 €

Hizkuntza  Euskera

Orri-kopurua  336

Argitalpen urtea  2020

Lizentzia  Copyright

ISBN 978-84-9172-189-5

Sareetara

Utzi erantzuna

Zure e-posta helbidea ez da argitaratuko. Beharrezko eremuak * markatuta daude