Zinema :: “Agur Etxebeste!” pelikula Kultur Leioan

Aupa Etxebeste! aurkeztu eta hamalau urtera, familia protagonista berriro bildu da sekuela hau grabatzeko, ekipo tekniko eta artistiko berberekin. Patrizio Etxebeste (Ramon Agirre) alkatetza uztera behartuta ikusten da “osasun arazoengatik”. Udaleko agintea ez galtzeko asmoz, Maria Luisa (Elena Irureta) bere emaztea herriko lehen emakumezko alkatea izendatzen du. Maria Luisak oso serio helduko dio lan berriari eta udaletxeko funtzionamendua goitik behera aldatuko du, Patriziorekin duen harremana eta etxeko giroa hankaz gora jarriz. Asier Altunak (Amama, Bertsolari) eta Telmo Esnal-ek (Dantza, Urteberri On, Amona) zuzendua.