Euskaraz dakiten familientzako tailerrak antolatu ditu Udaleko Euskara zerbitzuak. Zehazki, 4 eta 8 urte bitarteko umeak dituzten familia euskadun eta mistoei zuzenduta daude (gurasoetariko batek euskeraz dakienean), hilean behin Kultur Leioan eta beste behin Pinuetako ludotekan izango dira tailerrak.
Helburua familia barruan zein familia artean hizkuntza ohituretan eragitea da euskararen erabilera bultzatzeko eta harreman sarea ehuntzeko. Beraz, tailerrak euskara hutsean izango dira eta parte hartzaileek ezinbestean euskaraz egin behar dute tailerretan.
Itzalekin kontu kontari du izenburu hurrengo tailerrak, azaroaren 5ean Pinuetako ludotekan izango da, 11:30ean, eta azaroaren 11n kultur Leioan, 17:30ean.
