Azaroaren 30ean Euskal Herriko mugimendu feministak deitutako greba feminista orokorra gero eta hurbilago dago, eta greba komite mistoak jada martxan daude Leioan.
Leioako mugimendu feministak hainbat bilera egin ditu orain arte greba nola landu erabakitzeko. BatzorBizide mistoaren lehen bilera duela gutxi egin zen, eta bihar, ostegunarekin, hurrengo bilkura egingo du.
Bilera Sakoneta Kiroldegiko bilera gelan egingo da, arratsaldeko 19:00etan. Herriko mugimendu feministatik gonbidapena luzatu dute grebaren prestaketa bilera honetan parte hartzeko.
Greba feminista orokorrak honako erakunde eta talde hauek bultzatzen dute: Movimiento Feminista de Euskal Herria*, Pentsionisten Mugimendua, Euskal Herriko Eskubide Sozialen Karta, Zaintza babesten elkartea, Zaintza Araba, Emakumeak Gerraren aurka, Salhaketa, Ongi etorri errefuxiatuak, Lehen Arrea Arnasberritzen, Ernai, Sare Zabalganako familien elkartea, Euskalgintzaren Kontseilua, Ikama, Joxe Mari Zumalabe, Kapitalari planto, Komite Internazionalistak, Gure Esku, Mugarik Gabe, Fekoor, Euskal Herria Kolonbia, AEK, SOS Arrazakeria, Bizi Bisexualitatea, Emagin, ELA, LAB. Steilas, ESK, Etxalde, CGT, EHNE, CCOO…
