Leioako Udalak proba pilotua jarri du abian BIZUM-a ordaintzeko metodo berri gisa sartzeko. Sistema horren formatu komertziala da, eta, herritarrek ekimena positiboki hartzen badute, Bizum bidezko ordainketa zuzena ezartzeko aukera aztertuko da.
Saltokientzat eskaintzen den bizum-zerbitzua bezala funtzionatzen du, eta, beraz, honako urrats hauek egin behar dira:
→ Aktiba ezazu bizum gakoa zure bankuan.
→ Deitu 94-400.80.00 telefonora eta eskatu bizum bidezko ordainketa.
→ SMSak eta posta elektronikoa jaso, datuak egiaztatu eta ordaindu.
→ Berehala jasoko dugu gure sisteman abonu hori egin dela dioen informazioa.
Aukera hau erabilgarri dago OHZren, ibilgailuen, obra-aurreko komunikazioen eta lizentzien ordainagiriak ordaintzeko. Pixkanaka, beste batzuk sartuko ditu Udalak.
Hilabete batzuetan, Udalak sistema horren erabilerari buruzko datuak aztertuko ditu, webservices espezifikoen garapena baloratzeko, aplikazio informatikoak ordainketa-modalitate berri horrekin sinkronizatzeko eta automatizatzeko, ordainketa zuzena ahalbidetzeko.
Ordaintzeko modu honek orain arte zeuden aukerak osatzen ditu: kartan ordaintzea, helbideratuta jasotzea edo Udalaren edo Gaztelubideren Herritarrentzako Arreta Zerbitzuetara joatea, Eusko Jaurlaritzaren ordainketa-pasabidea erabiltzea edo zure banketxera joatea.
Ekimen hori LeioaHurbil berrikuntza, sinplifikazio eta eraldaketa integraleko proiektuaren esparruan dago, eta horren bidez IKTak kudeaketa publikoan sartzearen aldeko apustua egiten du herriko Udalak.
