Alvaro Ledesmak Marionnettes izeneko erakusketa erakutsiko du, teatro kutsu nabarmena duten eskulturez osatua. Bertan material birziklatuekin sortutako pertsonaia fantastiko eta ezinezkoak topatuko ditu ikusleak, burdin zatiei, lanabesei eta trapu zaharrei ezusteko bizitza berri bat emanez.
Ledesma (Errenteria, 1975) diziplina anitzeko artista da, arlo desberdinak landu dituena: eskultura, bideoa, pintura, eszenografia, literatura, instalazioa eta argazkigintza. Bere lanaren ikuspegi plastikotik abiatuta musikari gisa ere proiektu ugarietan parte hartu du (antzezlanak, poesia errezitaldiak, bideo-arte kontzertuak…).
Marionettes erakusketa urtarrilaren 28ra arte egongo da ikusgai Kultur Leioaren Erakusketa gelan. goiz eta arratsaldez.
Laburrean
Zer Erakusketa
Nor Alvaro Ledesmaren “Marionettes”
Non Kultur Leioaren Erakusketa gelan
Egunak Abenduaren 14tik urtarrilaren 28ra
Ordutegia Astelehenetik ostiralera 10:00-20:00. Larunbat, igande eta jaiegunetan 11:00-14:00 eta 17:00-20:00
Sarrera Doan
