Larunbat honetan ospatuko da Leioako II. Emakumeen Martxa, Udalaren Berdintasun Sailak antolatua.
Publiko orokorrari zuzendutako martxa izango da, 3 kilometrotakoa eta erraza, baina “helburu zehatz batekin: emakumeak bakarrik ez daudela agerian uztea”.
Bulebarretik irtengo da arratsaldeko 18:30ean eta bertara bueltatuko da 3 kilometro egin eta gero. Heltzerakoan txokolatada izango da prest eta batukada feministak jai giroa jarriko du.
Iaz bezala, parte hartzaileek kamiseta teknikoa jasoko dute, arrosa kolorez betetzeko Leioako kaleak.
