Zer berri? :: ‘Esku ikusezinaren itzal luzea’, Joseba Permach-en liburua

Esku ikusezinaren itzal luzea. Ekonomialarien erretorikaren kritika du izenburu Joseba Permach-en liburua, UEU eta UPV/EHUren artean argitaratua. Ekonomiaz, liberalismo eta neoliberalismo ekonomikoaz, azken krisi ekonomikoaz, eta, egungo diskurtso ekonomioez dihardu egileak bere liburuan.

Azken krisi ekonomikoaren harira, esan ziguten jatorrian finantza-tsunamia edo -lurrikara zegoela. Adam Smithen esku ikusezin famatuak, beste behin, porrot egin zuen. Alta,merkatu libreak aldi oro azalarazten dituen gabezia eta ezintasunak onartu eta erabakiak hartu beharrean, aldatu den bakarra liberalismo ekonomikoaren diskurtsoa izan da. Zertarako? Finantza-turbulentzien aitzakiapean establishmentaren ardurak ezkutatzeko, merkatuak ureztatu behar direla esateko edo bankuak erreskatatzeko. Finean, inoiz herritarroi egin zaigun lapurretarik handiena erretorika ekonomiko berrituarekin mozorrotzeko.

Liburuak ekonomiaz dihardu, batez ere, zientzia ekonomikoaren paradigma nagusia den liberalismo ekonomikoaz. Alabaina, haren diskurtsoa eta funtzioa ikertzea du helburu: lehenik, liberalismo ekonomikoaren sortzailea izan zen Adam Smithen lana, ondoren neoliberalismoaren sustatzaileak izan ziren Hayeken eta Friedmanen testuak, eta, azkenik, egungo aditu ekonomikoen diskurtsoa. Hiru garai, baina helburu bera: zientzia ekonomikoaren diskurtsoak, haren erretorikak eta metaforek sistema kapitalistaren legitimazioan, iraunkorki, betetzen duten funtzio soziala aztertzea.


Laburrean

Egilea  Joseba Permach Martin

Argitaletxea  UEU, UPV/EHUrekin koedizioan

Zenbatekoa

Hizkuntza  Euskara

Orri-kopurua  134

Argitalpen-urtea  2018

Lizentzia  978-84-8438-652-0

Sareetara

Utzi erantzuna

Zure e-posta helbidea ez da argitaratuko. Beharrezko eremuak * markatuta daude