Zer berri? :: ‘Txillardegi: Euskara batua’, Jakin eta EHUren eskutik

Txillardegi. Batasunaren pentsalariaren ostean, Jakinek eta UPV/EHUk Txillardegiren testu hautatuekin eman diote jarraipena Dabilen pentsamendua bildumari. Bere pentsamenduaren hiru ardatzen inguruan osatu dituzte aurreneko hiru liburuak: euskara batua, nazio auzia eta hizkuntzaren filosofia.

Testuen hautaketaz Alaitz Aizpuru Joaristi arduratu da. Filosofian lizentziaduna da Aizpuru, eta Txillardegiren ekarpena berariaz ikertu du.

Liburu bakoitzak bere hitzaurrea du, gaia kokatu eta Txillardegiren ikuspegia aletzeko: Joan Mari Torrealdai Jakin Fundazioko lehendakari eta euskaltzainak idatzi du euskara batuarena.

XX. mendeko bigarren erdiko une erabakigarri guztietan Euskal Herriak behar izan duen pertsona izan da Txillardegi, Joxe Azurmendi filosofoaren hitzetan. Pentsalari zein eragile, aitzindari izan baita Txillardegi hainbat arlotan. Ekarpen hori aitortu eta ezagutarazi nahi du bildumak, bere ibilbidea kokatzen duen biografiarekin eta testu hautatuekin osatutako liburukiekin.


LABURREAN

Egilea  Jose Luis Alvarez Enparantza “Txillardegi”

Argitaletxea  Jakin, UPV/EHU

Zenbatekoa  12,00 €

Hizkuntza  Euskara

Orrikopurua  140

Argitalpenurtea  2019

Lizentzia  Copyright

ISBN  978-84-949758-3-7

 

Sareetara

Utzi erantzuna

Zure e-posta helbidea ez da argitaratuko. Beharrezko eremuak * markatuta daude