597 hildako dira honez gero Euskal Herrian COVID-19k eragindakoak

32 lagun hil dira Euskal Autonomia Erkidegoan, eta 10 Nafarroan. 42 hildako berri hauekin 597 dira, guztira, Euskal Herrian COVID-19k hildako bizilagunak orain arte. Araban 176 pertsona hil dira, 205 Bizkaian, 63 Gipuzkoan, 151 Nafarroan eta 2 Ipar Euskal Herrian, datu ofizialenn arabera. Horrela, hilkortasun tasa %5,7raino hazi da EAEn..

Kasu positibo berriei dagokienez, 659 izan dira hegoaldeko lau probintzietan: 505 EAEn eta 154 Nafarroan (Ipar Euskal Herriko datu publikorik ez dago). Guztira, orain arte, 10.663 pertsona dira kutsatutakoak Araban, Bizkaian, Gipuzkoan eta Nafarroan. Horietatik 2.552 ospitaletan dira. Hori horrela, EAEn, kutsatuen tasa akumulatua 357,7 kasu 100.000 biztanlekoa da eta Nafarroan 348,2 kasu.

Lurraldeka, hauexek dira datu esanguratsuenak: Araban, 2.447 positibo egon dira orain arte, eta horietatik 313 ospitaletan daude; Bizkaian 4.024 bizilagun dira, guztira, 1.193 ospitaletan; Gipuzkoan 1.356 dira diagnostikatuak orain arte, 335 pertsona ospitaletan egonik; eta, Nafarroan, 2.836 daude kutsatutakoak orain arte, horietako 711 ospitalizaturik daudela egun.

**Atzo, 505 kutsatu berri diagnostikatu ziren EAEn. Grafikoa: E.J.**

Leioari dagokionez, 5 kasu berri izan ziren atzo; hortaz 131 biztanle daude guztira kutsatuta. Udalerriaren erdialdean kokatutako Osasun Zentroan 89 pertsona izan dira kutsatuak, tasa 382,3koa izanik; Areetako Osasun Zenroan, aitzitik, 133 bizilagun dira koronabirusak kutsatutakoak, tasa 395,6koa izanik.

**131 dira honez gero Leioan kutsatutakoak. Grafikoa: leihoa.info**

Bestalde, EAEko Osasun Saileko Antolamendu eta Ebaluazio Sanitarioko zuzendari Mikel Sánchezek adierazi duenez, orain arte 19.627 detekzio-proba egin dira orain arte; atzo egindakoen %32ak soilik eman zuen positibo.

Sánchezek hildakoen kopuru altua pandemia honen alderdirik ilunena dela adierazi du. Hala ere, “ikuspuntu epidemiologikotik, egonkortze egoera batean” gaudela esan du, “kutsatuen kopurua hazi egin bada, proben kopuruak ere nabarmen gora egin duelako” izan baita. Atzo proba gehien egindako eguna izan zen, 1.576 burututa. Egindakoen %32ak soilik eman zuen positibo. Bestalde, Osasun Sailaren arduradunak nabaarmendu duenez “ZIUetako egoera egonkortu da eta ospitalizazioen kopuruak behera egin du”. Eta, “beste egun batez, handitu egin da alta jaso eta osatu diren pertsonen kopurua”.

Nolanahi ere, Sanchezek argi utzi nahi izan du ez dela oraingoa triunfalismorako unea, kontu handiz jardun eta erne jarraitzeko garaia baizik.

Behean ikus daitezke Euskal Herriko egoeraren datu esanguratsuenen laburpena.

Euskal Herriko egoeraren laburpena
03-04-2020ko eguneratzea	Positibo kasu berriak	Ospitalizaturiko pertsonak	Hildakoak	Kasu positiboak guztira	PI
ARABA	89	313	176	2.447
BIZKAIA	348	1.193	205	4.024
GIPUZKOA	68	335	63	1.356
EAE	505	1.841	444	7.827	357,7
NAFARROA	154	711	151	2.836	348,2
IEH			2
EUSKAL HERRIA	659	2.552	597	10.663
PT: Pilatutako Tasa (Pilatutako kasuak 100.000 biztanleko).
IEH: Orain arte ezagutzen den datu bakarra izandako bi hildakoena da.
Iturria: Eusko Jaurlaritza, Nafarroako Gobernua					leihoa.info