Nagore Marcos, Rosana Mencia I Lamiako auzoko bizilagunak
Padura bat, tren bat eta auzo atsegin bat. Nola atera daiteke gaizki hiru osagai horiek dituen edozein plan? Izan ere, badirudi Udala Lamiakoko ingurunea aldatzeko proposamenean ez dela gai hiru elementu horiek auzo horretan bizi den jendearen alde uztartzeko; izan ere, auzo horrek hezeguneak berreskuratu nahi ditu, gizakiok sortu ezin dugun eta naturarena den altxor gisa, baina aldi berean auzo eta metro moderno eta interkonektatu baten zerbitzua behar du.
Alde batetik, aipatutako hezegune horiek, bere hirigintza-kalifikazioagatik, enpresa baten eskuetan erori dira; enpresa horrek hezeguneak trukatu nahi ditu kromo-joko bat balira bezala. Babestu zitezkeen, baina Udal Gobernuak ez egitea erabaki zuen.
Bestalde, metroa hasieratik lurperatu behar izan zen, baina ez zen borondate politikorik egon.
Eta orain esan digute bi azpiegiturak finantzatzeko 1.322ra arteko etxebizitza eraiki behar direla pisu askoko eraikinetan, 9 eta 20 solairu bitartekoak, alegia.
2016an, Leioako Udala itsasadarraren festa ospatzen hasi zenean, iruditzen zitzaigun benetan herriaren hegoaldera begiratzen hasi zela, nahiz eta paduretako lurzoruan azken okupazioak izan, bai araztegiko ponpaketa-estazioarekin edo ekaitz-tankekin, bai eta inoiz izan ez zen tranbia bateko kotxetegiekin ere, udalak Lamiakoko dartsenaren inguruko paisaiaren ekintza-plan bat argitaratu zuen 2018ko azaroan. Plan horretan,
eremua “ekologikoki Ibaizabaleko estuarioa izan zenaren hondar berreskuragarri bakartzat”; jo zuen, eta horren arabera, “parte-hartze publikoan adostasuna lortu zen padurako ekosistema leheneratzeko ekintzei dagokienez”. Baina, zoritxarrez, orain auzorako proposatzen duten horretan, ez da asmo hori islatuta ikusten, eta hor idatzitako guztia irudipen liluragarri bat bezala geratzen da.
Badirudi esku beltz bat egon dela hor zelatan, ea nola egiten dituen diru-kalkuluak eta nola jartzen dizkion oztopoak auzoaren eta naturaren garapenari.
Hala ere, garaiz gabiltza garapen-eredu hori saihesteko eta herritarren zentzuz bideratzeko. Garaiz gabiltza gobernu-taldeko alderdiak konbentzitzeko beste egiteko modu bat posible dela.
