Udalak Torresoloko kanpoko igerilekuak irekiko ditu bihar, ekainak 15. Aurten ere, abonatuentzat bakarrik: 400 lagunentzat goizez eta beste horrenbeste arratsaldez.
Udalak iaz ezarritako neurriak mantenduko ditu udal kirol instalazioetara hurbiltzen diren pertsonen segurtasuna bermatzeko.
Goizeko ordutegia 10:00etatik 15:00etara izango da eta arratsaldekoa 16:00etatik 21:00etara. Instalazioak 15:00etatik 16:00etara itxiko dira garbitzeko eta desinfektatzeko.
Abonatuek gaurtik bertatik egin ditzakete erreserbak Leioa Kirolak-en webgunearen bidez eta telefonoz Sakonetan eta Torresolon.
Info +
Izena webaren bidez emateko www.leioakirolak.eus
Izena telefonoz emateko Sakoneta kiroldegia 94.400.80.59 Tlf. Torresoloko kiroldegia 94.600.44.75
