2020-2021 ikasturtean, Korrikarik ez; 2022ko udaberrian, Euskal Herria zeharkatuko du berriro

22. KORRIKA 2022. urtera atzeratu du AEK-k. Erabaki latza AEK-k hartu behar izan duena, euskararen aldeko ekitaldirik jendetsuena eta zirraragarriena “ez dugulako orain izango, eta badakigulako euskararen aldeko bultzada ezin dela apaldu; gainera, KORRIKAk helburu ekonomiko zehatza dauka (AEKren euskaltegietako lana indartzea) eta atzeratzeak kalte egingo dio lan horri, zalantzarik ez”, adierazi du Koordinakundeak.

Alfabetatze Euskalduntze Koordinakundeak (AEK) esan duenez, azken hilabeteotan, gauzak ikaragarri aldatu dira. Pandemiak mundu osoa kolpatu du eta ez dirudi epe motz-ertainean erabat kontrolpean izango denik. “Egoera uste genuena eta nahi genuena baino askoz okerragoa da orain.

Hori dela eta, AEKn hobetsi dugu KORRIKA bezalako ekimena atzeratzea, besteak beste, pandemiaren barruko transmisioa ahalik eta gehien murrizteko”. “KORRIKAren atzerapenak hutsunea sortuko du, baina KORRIKA bera horren garrantzitsua izanik, beharrezkoagoa da KORRIKA denok desiratzen ditugun baldintza hobeetan egitea”.

AEK-k adierazi duenez, une honetan, ez dute KORRIKAren ordezko eskas bat nahi. “Izan ere, euskarak bezala, KORRIKAk kalea behar du, bizia, mugimendua. Eta hori errepidera ateratzen direnek ematen digute, kalera ateratzen direnek. Denbora gehiago hartu nahi dugu, normalitate berria nondik nora joango den ikusteko, etorkizuna hobeki ezagutzeko, eta, ondo bidean, egoera hobetzen bada, denok desiratzen dugun KORRIKAra iritsiko gara, 2022. urteko udaberrian”.


Berria ezagutarazteko AEK-k zabaldu duen bideoa

Sareetara

Utzi erantzuna

Zure e-posta helbidea ez da argitaratuko.