Larunbat honetan, arratsaldeko 19:00etatik aurrera burutuko da Leioako Musika Bandaren Gabonetako ohiko kontzertua Kultur Leioaren Auditoriumean.
Emanaldi honetarako espreski prestaturiko errepertorio batekin, tokiko Musika Bandak “ahaztezina eta oso hunkigarria izatea espero dugun kontzertua” eskaini nahi du. Oraingo Bandarekin “bandeiro ohi askoren kidek ere joko dute”. “Bandeiro” ohi guztiak gonbidatu eta bandaren belaunaldi guztiak bildu nahi izan dituzte. Horretarako “gure historian mugarri izandako errepertorioa” aukeratu dute. Diotenez, “lan zoragarriak, kalitate eta maila musikal handikoak” dira, “guretzat mami emozional handia dutenak”. Eta aurreratzen dute “zenbait ustekabe” egongo direla, “bestela ez bailitzateke Leioako Musika Banda!”
Laburrean
Ekitaldia Musika kontzertua
Taldea Leioako Musika Banda
Lekua Kultur Leioaren Auditoriuma
Eguna Abenduaren 23an
Ordua 19:00etan
Sarrera 3,75 – 5 €