Irakurle Kluba :: “Ordaina”, Philip K. Dick-ena

Irakurle Kluba

Liburutegia

Ordaina, Philip K. Dick-ena (Aritz Gorrotxategi itzultzaile). Liburua Philip K. Dicken narrazioen bilduma bat da. Gehienbat nobelengatik ezaguna bada ere, Dickek harribitxi ugari idatzi zituen ipuingintzaren generoan. Ipuin horietako batzuk film ezagunen oinarri izan dira; esaterako, Minority Report (Gutxiengoaren txostena). Guztira, hamaika narrazio kronologikoki ordenatuta biltzen ditu liburuak, Dicken estiloa eta bilakaera hurbilagotik eta zehaztasun handiagoz hautemateko. Hitzaurrea Iban Zalduak idatzi du.

Esku artean duzun liburua Philip K. Dicken narrazioen bilduma bat da. Gehienbat nobelengatik ezaguna bada ere, Dickek harribitxi ugari idatzi zituen ipuingintzaren generoan. Ipuin horietako batzuk film ezagunen oinarri izan dira; esaterako, Minority Report (Gutxiengoaren txostena). Guztira, hamaika narrazio kronologikoki ordenatuta biltzen ditu Ordainak, Dicken estiloa eta bilakaera hurbilagotik eta zehaztasun handiagoz hautemateko. Hitzaurrea Iban Zaldua irakasle eta idazleak idatzi du.

Dickeni buruz honakoa esan zuen Roberto Bolaño idazleak: “XX. mendeko hamar idazle handienetakoa da AEBetan, eta hori esatea ez da gutxi. Kafka moduko bat zen, azido lisergikotik eta amorrutik igaroa”.  Jonathan Lethem-en hitzetan “Philip K. Dick ezinbesteko idazle bat da, norbaitek-asmatu-beharko-luke motako idazle horietako bat”.  Hitzaurrea idatzi duen Iban Zalduaren arabera “ez dut uste Thomas Pynchon, David Foster Wallace, Don DeLillo edo Jonathan Lethemena bezalako obrak, Dickenetik urrun egonda ere —haien hizkuntzarekiko harremanean, batez ere—, guztiz uler daitezkeenik Dick aurretiaz existitu izana kontuan hartu gabe”.  Asteazkenean, horretaz eta hainbat kontu gehiagoz jarduteko aukera izango da Leioako Irakurle Klubaren saio

Philip K. Dick-en biografia

Philip Kindred Dick 1928ko abenduaren 16an jaio zen Chicagon. Arreba biki bat zuen, Jane izenekoa. Handik aste gutxitara, aseguru konpainia bateko langile bat pasa zen Dicktarren etxetik, eta Philip jaio berria elikatu gabe zegoela ohartu zen, eta Jane, berriz, zaurituta. Umeak ospitalera eraman zituen, baina Jane bidean hil zen. Arreba bikiaren heriotzak eragin handia izan zuen idazlearen obran nahiz bizitzan.

Lau urte zituela, haren gurasoak banandu egin ziren, eta Philip amarekin joan zen bizitzera. Haurtzaroan zenbait osasun arazo izan zituen: asma, agorafobia edota takikardia. Oso txikitatik hasi zen irakurtzen, eta Unknown eta Astounding bezalako aldizkarien eskutik zaletu zen zientzia fikziora.

Hamazortzi urterekin bere kabuz bizitzera joan, eta disko-denda batean hasi zen lanean. Irratian disko-jartzaile gisa ere jardun zuen. Garai hartan unibertsitate ikasketak hasi zituen, baina ez zituen amaitu. 50eko hamarkadaren hasieran idatzi zituen bere lehen narrazioak, eta zenbait aldizkaritan eman zituen argitara. 1955ean iritsi zen haren lehen eleberria: Solar Lottery.

60ko hamarkadan hurbil sentitu zituen beat belaunaldiko poetak, kontrakultura eta ezkerreko ideiak. Vietnameko Gerraren aurka azaldu zen, eta FBIak espedientea ireki zion. Hippie kulturarekin bat egin, eta drogak hartzen hasi zen; batez ere, anfetamina eta LSDa. Bizitzan zehar haluzinazio eta irudipen ugari izan zituen, baita krisi psikotikoak ere. Dickek berak susmoa zuen eskizofrenia zuela. Haren obran bizitza ilusio gisa agertzen da sarritan, eta oso ohikoak dira bizitza edo unibertso paraleloak. Desoreka horiek guztiek arazoak ekarri zizkioten bizitza pertsonalean. Bost bider ezkondu zen, eta beste hainbestetan dibortziatu.

1963an Hugo saria eskuratu zuen The Man in the High Castle eleberriagatik. Eta 1975ean John W. Campbell saria, Flow My Tears, the Policeman Said lanagatik. Harenak dira Do Androids dream of Electric Sheep? (1968) edota Ubik (1969) maisu-lanak ere. 44 eleberri eta 121 narrazio labur idatzi zituen.

1982ko martxoaren 2an hil zen Santa Anan, Kalifornian, bihotzekoak jota.


Laburrean

Ekimena   Irakurle Kluba

Izenburua  Ordaina

Idazlea  Philip K. Dick

Hizkuntza  Euskara

Lekua  Liburutegia (2. solairua)

Eguna  Apirilaren 18an

Ordua  19:30ean

Sarrera  Doan

Sareetara

Utzi erantzuna

Zure e-posta helbidea ez da argitaratuko.