Hainbat forma hartzen ditu Audience gernikarren azken lanak, Tolesdurak, nondik begiratzen diozun. Pandemiak urtebeteko tartea jarri du ekoizpenerako erabilitako bi saioen artean, eta emaitza Tolesdurak disko bikoitza da. Agian zuzenagoa da esatea, batek daki, lan bikoitza baino, Tolesdurak bi disko direla. Edozein kasutan, hor ageri dira Audiencen kaledoskopioan erpinak bueltaka eta elkarren artean talka egiten.

Audience taldearen musikariak Ander Elorza baterian, Adoni Lauzirika baxuan, Gaizka Insunza gitarran eta teklatuetan, Ruben Garatea akordeoiarekin eta gitarrarekin eta Ager Insunza gitarra eta biolinarekin.