Coronavirus COVID-19ren epidemiak sortutako testuinguruan, eta eragin ekonomiko eta sozialari aurre egiteko, Leioako Udalak honako neurri hauek hartu ditu udal-tasa eta -zergei dagokienez: UKIren jardueren araberako ikastaroak (apirilekoak) eta Kontserbatorioaren hileko irakaskuntza-kuota (apirilekoa) ere ez dira kobratuko.
Nahieran ordaintze-sisteman, apirilaren 15erako aurreikusitako bigarren ordainketa ezabatuko da, eta, hala badagokio, azken kuotara egokituko da (abendua).
Gainera, honako kobrantza hauek atzeratzen dira: ibilgailuen borondatez ordaintzeko epea aldatuko da, maiatzaren 15etik ekainaren 30era. Bestalde, ordainketa-epeak 30 egun naturaletan luzatuko dira, honako kasu hauetan: likidazioak eta sariak, sarrera-datak eta/edo epemuga martxoaren 16tik apirilaren 30era bitartean dutenak; epemuga bat bera ere maiatzaren 15a baino lehen ez gertatzeko behar diren epeak luzatu dira; eta borondatezko epea apirilaren 30ean amaitzen zen ibilgailuen eta kirol-instalazioen sarreragatiko tasak maiatzaren 29ra arte ordaindu ahal izango dira, inolako gainordainik eragin gabe.
Epeak etetea
Udalarekiko gainerako prozeduretarako, epeak etenda daude (salbu eta zergapekoak badira, kontratazioaren arloan edo berariaz bestelakorik adierazten bada).
Salbuespenak salbuespen, errekurtsoren bat jarri, dokumentazioa aurkeztu edo izapideren bat bete behar bada eta horretarako epea alarma-egoeran hasten edo amaitzen bazen, eten egingo da: egoera hori amaitu ondoren, geratzen den denborarako berrekingo zaio.
Edozein zalantza izanez gero, Udalarekin jar daiteke harremanetan edo mezu bat bidali sac01 @leioa.net helbidera.
