Bizkaiak irabazi du beste behin ere Euskal Herriko Bote Luzeko finala. Urriaren 31n jokatu zen finala, Oiartzunen.
Bizkaitarren garaipena, hala ere, ez zen erraza izan. 1-0, 3-0 eta 4-1 jarri ziren aurretik gipuzkoarrak, baina azken segundoan berdindu egin zuten partidua bizkaitarrak, 4-4.
Luzapenean, antzeko egoera bizi izan zen. Gipuzkoarrak aurretik jarri ziren berriro ere, 0-3, baina bizkaitarrek beste behin ere lortu zuten buelta ematea partiduari eta, azkenean, 5-4 irabazi zuten.
Bizkaiko jokalarien artean Eneko Uribe gazte jokalari leioaztarra aritu zen.
Bestalde, partidua Euskaraldian parte hartzera dei egiteko baliatu zuten herrialde bietako jokalariek, beheko argazkian ikus daitekeen bezalaxe.