La Macana Galiziako dantza-konpainia bat da; 2009an eratu zuten Caterina Varela eta Alexis Fernández egile eta antzezleek. Haien lehenengo lanari esker, Ven, nazioarteko proiekzioko ibilbidea hasi zuten, haien sormenezko jarduna pedagogikoarekin tartekatuta. Izan ere, lan horrek hainbat sari irabazi ditu eta hogei herrialde baino gehiagotan egin dituzte emankizunak.
Invisible wires dugu haien azkeneko produkzioa. Julio César Iglesias Ungok zuzendu du, Alemanian bizi den kubatarrak, eta artista-talde zoragarri batek lan egiten du horretan. Proposamen benetan fisikoa da: giro surrealista baten erdian, pertsonaia tormentatuen talde basati bat zentzugabekerian, heriotzan, maitasunean eta oroitzapenetan zehar zamalkatuko da. Esperientzia bizia, fisikoki zoragarria.
Emanaldiaren ostean topaketa ikusleekin egingo da.
Laburrean
Zuzendaritza artistikoa Julio César Iglesias Ungo
Zuzendaritza Laguntzailea Caterina Varela
Antzezleak Alexis Fernández, Tanja Fridjonsdottir, Niko Hafkenscheid, Janis Heldmann, Jacob Ingram-Dodd, Dymitry Szypura
Jatorrizko musika eta zuzenean Niko Hafkenscheid
Argiztapen diseinua Alfonso Castro
Iraupena 60′
Non Kultur Leioaren Auditoriumean
Eguna Abenduaren 1ean
Ordutegia 20:30ean
Sarrera 7,5 – 15 €
Info + https://www.lamacana.es
