Leioa Waterpolo taldeak jaialdi handia prestatu du larunbat honetan herriko Boulevarrean. Eguna 11:30ean hasiko da, maila ezberdinetako taldeen aurkezpenarekin. Taldeko kirolariak klubaren elastiko ofizialarekin jantzita -“txikienek eta oraindik elastikoa ez dutenek kamiseta urdin batekin”, diote Leioa Waterpoloren iturriek-, agertu beharko dute, taldekako argazkiak egin ahal izateko.
Ekimen egitarau zabala
Jardunaldia ia gauerdira arte luzatuko da. Helburu horrekin prestatu dute ekimen ezberdin ugariz osatutako egitaraua, “zaletasun guztiak asetzeko modukoa”: umeentzako jolasak, puzgarriak, tailerrak, euskal kirolak, bingoa, mus txapelketa eta opari sorta ezberdinen zozketa. Herri bazkaria ere sartu dute egitaruan eta txosna egongo da hurbiltzen diren guztien egarria kentzeko. Arratsaldeko azken partean txokolatada prestatuko dute indarrak berritzeko, ‘minidisko’ batekin lagunduta. Gau partean DJ Markelin disjokeiaren emanaldia ere egongo da.
WATERPOLOA
Jarduera: Leioa Waterpolo eguna
Lekua: Boulevard de Leioa
Eguna: Sábado, 7 de Octubre de 2017
Jardunaldiaren egitaraua:
11:30 – 12:00 Maila ezberdinetako taldeen aurkezpena eta familia-argazkia
12:00 - 14:00 Umeentzako colasak, aurpegi-margoketak eta puzgarriak
14:00 – 16:00 Bazkari herritarra: bertan egindako paella
16:00 – 18:00 Herri kirolak, bingoa
17:00 – 18:00 “Leioa Waterpolo” Mus Arinaren 1. Txapelketa
18:00 - 20:00 Minidiskoa. Txokolatada eta talo tailerra
20:30 – 22:30 DJ Markelin
23:00 – 23:30 Sarien zozketak
