The Pogues taldearen omenez, Hiri zahar zikina duzue Skabidean taldearen 4. diskoa. Pandemia garai bete-betean konposatu eta 2021eko abenduan grabatu zuten, Andoaingo Garate estudioetan, Kaki Arkarazorekin.
Lan hau, gainerakoen antzera, estilo nahasketa ederra duzue: 2tone-a, skinhead reggaea, rocksteadya, Bob Marleyren estiloko reggaea, funky hutsa, soula… Musika estilo asko maite ditu Skabideanek, eta hala islatu nahi izan du oraingoan ere. Areago, bada estilo nahasketa berritzaile eta interesgarriren bat ere disko honetan. Animatu eta bilatu zein den! Dantzatzeko zein etxean lasai aditzeko, denetarako balio du disko honek. Gozatu!