Adierazpen askatasuna, isunik ez!

Sare feminista, Sutea, Leioako Pentsionistak, Barrios Conectados

Beste behin ere, leioaztarrok erakutsi dugu ez gaudela prest Udal Gobernu taldearen edozein erabaki onartzeko.

Avanzadaren irteera erdialdeko auzoekin eta Lamiakorako lotura lotzeko Foru Aldundiak eta Tokiko Gobernu Taldeak ixteko proiektua ere onartu ez genuen bezala, oraingoan ere ezetz esan diegu herriko alkateak kartelak eta megafonia pasatzeagatik jarritako isunei. Eta epaitegira jotzeko erabakia hartu genuen isunak bertan behera uzteko eta udalak isun horiek jartzeko erabiltzen dituen Ordenantza bi ere indargabetzeko.

Ez dakigu zein izango den atzoko epaiketaren emaitza, baina badakigu herritarren artean babes maila handia dugula.

Horren lekuko da epaiketa honek ekar ditzakeen gastuei aurre egiteko zabaldu genuen kontu korrontean jasotako herritarren laguntza ekonomikoa.

Eta badakigu ere irabazten hasi garela, Udalak berak erabaki baitu Ordenantza berria egitea, egungo biek dituzten gabeziak konpontzeko asmoz.

Hala ere, ez gara fio, ezen soilik 2 astez jarri nahi dute herritarren ekarpenak egiteko epe gisa. Ez eta ordenantza berria erabiltzeari uztea ere, alkateak nahi bezala, erabaki dezan zer jar daitekeen eta zer ez; nori isuna jarri eta nori jazartzen zaion; eta nori kartelak eta megafonia jartzen uzten zaion. Eskubideak guztiontzat edo inorentzat dira. Are gehiago oinarrizko eskubideez ari garenean, hala nola adierazpen- eta manifestazio-askatasunez.

Dena den, atzoko epaiketarekin ez da bukatzen Udal Gobernu Taldeak herritarren aurka jarritako isunen auzia.

Dakikezuenez, beste hiru emakume izan ziren identifikatuak Martxoaren 8an herriko mugimendu feministak deitu zuen manifestazioa iragartzeko kartel bi jartzeagatik eta, areago, kartelik jarri gabe, besapean ere eramateagatik. Onartezina da Udal Gobernu taldearen eta herriko alkate Iban Rodriguez-en jarrera.

Are onartezinagoa da, emakume biri, kartel bi jartzeagatik isuna jartzeaz gain, “Mozal Legea” aplikatu nahi izana, horretarako egon ez zen haien burua identifikatzeko jarrera eta arratsaldeko kartel itsasketa asmatu izana leporatuz. Hau ONARTEZINA DA, Alkate Jauna! Eta soilik elkarbizitza gaiztotzeko balio dezake.

Argi esan nahi diegu emakumeoi eta isunak jaso dituzten guztiei ez daudela bakarrik, haiekin gaudela, eta alegazioak aurkezteko eta, beharrezkoa balitz epaiketara jotzeko, haien ondoan egongo garela.

Kartelak jartzea, megafonia pasatzea, aldarrikapen sozial, kultural eta politikoak zabaltzea ezin baita ez delitu ez falta izan gizarte demokratiko batetan.

Horregatik, Udal Gobernu taldeari  eta Iban Rodriguez Alkate Jaunari dei egiten diegu jarrera errepresibo  honi bukaera emateko eta elkarte zein norbanako ororen eskubide zibil eta politikoak errespetatzeko.

Sareetara

Utzi erantzuna

Zure e-posta helbidea ez da argitaratuko.